E Noho E Ata
E Noho E Ata
Tīhei Mauri ora e,
E noho e Tuheitia te hiri o Waikato
E huri tō kānohi ki te Hau-ā-uru
Ngā tai e ngünguru i waho o Te Akau
Āue hei āue! (hī āue) x2
Tō pikitanga ko te āo o te rangi
Tō heketanga ko Kārioi maunga
Tō hoenga waka ko Whaingāroa
Āue hei āue! (hī āue) x2
Takahia atu rā te moana i Aotea
Kia whatiwhati koe i te hua o te miro
Te tihi o Moerangi te puke okiokinga
Āue hei āue! (hī āue) x2
Puia ō mata ki Kāwhia Moana
Ki Kāwhia kai, ki Kāwhia tangata
Ko te kupu tēnā a ō tūpuna
Āue hei āue! (hī āue) x2
E huri tō kānohi ki Pīrongia Maunga
Ki te rohe potae ki Arekahānara
Ko te hāona kaha o te rungarunga rawa
Āue hei āue! (hī āue) x2
Pākia ō ringa ki te Kauhanganui
Te Paki o Matariki ngā whakaoati
Ko Kemureti rā tōna oko hōroi
Āue hei āue! (hī āue) x2
E tū tō wai ki kei o Tainui
Tēnei tō hoe ki te tekau-mā-rua
Ngā tai e mārino i waho o Karewā
Āue hei āue! (hī āue) x2
E hoe tō waka ki Ngāruawāhia
Tūrangawaewae mō te āo katoa
Ko te tongi whakamutunga a Matutāera
Āue hei āue! (hī āue) x2
Tairi te aroha i ahā hā
Toro mai ō ringa me aroha tāua
Āue Hikitia! Āue Hāpainga!. Āue hei āue! (hī āue) x2