Whakamau

Na Wini Bidois

Whakamau te titiro

Ki Kawhia moana, ki Kawhia kai, ki Kawhia tangata

Te urunga tapu o Tainui

Whakawhiti atu ra Te Aroaro O Kahu ki Arekehanara

Te haona kaha o Matutaera

E huri to kanohi ki te Tihi o Kakepuku ki te tai whakarunga ko Maniapoto

Ka tika ra tona korero, Tamaki ki raro, Mokau ki runga, Mangatoatoa ki waenganui

Titiro tawhiti ra ko Maungatautari

Te oko horoi I Kemureti e

Whakaheke atu ra ki te riu o Waikato

Ki Ngaruawahia, Turangawaewae mo te ao katoa

Whakatau atu ra te maunga Taupiri

Ko te rua koiwi e

Hoki komuri mai ki Te Hauauru, ko Whaingaroa

E kiia nei tona korero

Tainui A Whiro, ngunguru te ao, ngunguru te po

Au, au, aue ha … Kokiri!

Tuturu o whiti whakamaua! Kia tina

Tina!

Hui e,

Taiki e!!